21 лютага вучні і педагогі школы прынялі ўдзел у акцыі "Чытаем, спяваем і размаўляем па-беларуску". Дзень роднай мовы пачаўся з лінейкі, на якой вучні расказалі пра тое, як узнікла гэтае свята.
21 лютага ва ўсім свеце адзначаецца Дзень роднай мовы. Міжнародны дзень роднай мовы — адмысловы дзень, абвешчаны на 30-й сесіі ЮНЕСКА. Ён штогод адзначаецца з 2000 года. Дні роднай мовы ў Беларусі пачалі ладзіцца дзяржаўнымі ўстановамі з 2009 года. Сэнс гэтага свята заахвочванне моўнай разнастайнасці і шматмоўнай адукацыі, а таксама спрыянне ўсведамленню моўных і культурных традыцый, якія грунтуюцца на ўзаемаразуменні, цярпімасці і дыялогу.
Наступным этапам было правядзенне моўнага турніру сярод навучэнцаў 5-6 класаў.
Не забыліся нашы вучні і пра аддзяленне сувязі. Работнікі пошты таксама ўзгадалі вершы на беларускай мове.
Настаўнікі школы напісалі вялікую беларускую дыктоўку і праверылі свае веды беларускай мовы.
Дзень быў вельмі насычаным і разнастайным. І педагогі, і вучні атрымалі станоўчыя эмоцыі і прадэманстравалі свае веды роднай мовы.